З пачатку года ў макавых гандляроў канфіскавана 8 аўтамабіляў
Такую лічбу назвалі ў Міністэрстве ўнутраных спраў. За гэты ж час было канфіскавана амаль 38 тон маку. 64 чалавекі прыцягваліся да адказнасці за парушэнне антымакавага заканадаўства — складзена 75 пратаколаў. Яны аштрафаваныя на 122 мільёны рублёў.
МУС нагадвае, што фізасобам забаронена захоўваць, перавозіць насенне маку больш за 2 кг, а таксама праводзіць з ім розныя здзелкі, не расфасаваным у спецыяльныя ўпакоўкі.