Кілера і арганізатара забойства Паліткоўскай прысудзілі да пажыццёвага зняволення
Пра гэта паведамляе lenta.ru.
kommersant.ru
Маскоўскі гарадскі суд на падставе вердыкта прысяжных вынес абвінаваўчы прысуд па справе аб забойстве ў кастрычніку 2006 г. аглядальніка «Новой газеты» Ганны Паліткоўскай.
Вінаватымі па артыкулах «забойства» і «незаконны абарот зброі» прызнаныя Лом-Алі Гайтукаеў, браты Рустам, Джабраіл і Ібрагім Махмудавы і былы міліцыянер Сяргей Хаджыкурбанаў. Акрамя таго, Рустам Махмудаў таксама прызнаны вінаватым у выкраданні чалавека і вымагальніцтве.
Для Лом-Алі Гайтукаева і Рустама Махмудава, прызнаных, адпаведна, арганізатарам і выканаўцам забойства, дзяржабвінавачанне папрасіла пакаранне ў выглядзе пажыццёвага пазбаўлення волі;
для астатніх — працяглыя тэрміны: 22 гады для Сяргея Хаджыкурбанава, 15 і 19 гадоў для Ібрагіма і Джабраіла Махмудавых.