Мясніковіч паляцеў у Туркменістан
Прэм'ер-міністр Беларусі Міхаіл Мясніковіч накіраваўся з рабочым візітам у Туркменістан.
Запланаваны перамовы кіраўніка беларускага ўрада з прэзідэнтам Туркменістана Гурбангулы Бердымухамедавым і намеснікам старшыні Кабінета міністраў гэтай краіны Бабаніязам Італмазавым.
Міхаіл Мясніковіч прыме ўдзел у мерапрыемствах з нагоды Дня навукі Туркменістана, выступіць на міжнароднай канферэнцыі «Навука, тэхніка і інавацыйныя тэхналогіі ў Эпоху магутнасці і шчасця». Падчас Дня навукі будзе прадэманстраваны беспілотны лятальны апарат, створаны ў Фізіка-тэхнічным інстытуце Нацыянальнай акадэміі навук Беларусі.
Візіт працягнецца да 13 чэрвеня.