Надзвычайнае становішча ў Грузіі адменяць праз два-тры дні
Амэрыканскага дыплямата заверылі, што жыцьцё ў Грузіі неўзабаве нармалізуецца.
Паводле словаў намесьніка памочніка дзяржсакратара ЗША па Эўропе і Эўразіі Мэцью Брайзы, пра хуткую адмену яму сказала сьпікер грузінскага парлямэнту Ніно Бурджанадзэ.
«З маёй размовы са сьпікерам вынікае, што надзвычайнае становішча будзе адменена ў найбліжэйшыя два-тры дні. Мяркую, 16 лістапада», — сказаў дыплямат.