Жыхар Камянца вёз з Польшчы 160 кг свініны ў паліўным баку, машына канфіскавана
У пункце мытнага афармлення «Пясчатка» ў жыхара Камянца канфіскаваны аўтамабіль з кантрабандным таварам у тайніку.
Як паведамілі ў прэс-групе Брэсцкай мытні, 13 чэрвеня супрацоўнікі аддзела ўласнай бяспекі мытні сумесна з ваеннаслужачымі в/ч 1250 знайшлі 160 кг свініны. Тавар знаходзіўся ў спецыяльна вырабленым паліўным баку аўтамабіля «Мерседэс», які належыць 27-гадоваму жыхару Камянца.
Паводле слоў мужчыны, ён набыў мяса ў Польшчы для асабістых мэт.
У дачыненні да грамадзяніна распачаты адміністрацыйны працэс у адпаведнасці з ч. 2 арт. 14.1 КоАП. Мяса і аўтамабіль (1984 года выпуску), паводле папярэдняй ацэнкі, агульным коштам больш як 60 млн рублёў канфіскаваны да рашэння суда.