Парубій: Украіна ў аднабаковым парадку акрэсліць мяжу з Расіяй
Савет нацыянальнай бяспекі і абароны Украіны даручыў ураду правесці аднабаковую дэмаркацыю ўкраінска-расійскай дзяржаўнай мяжы.
Пра гэта заявіў сакратар СНБА Андрэй Парубій.
«Даручана Кабінету міністраў Украіны арганізаваць аднабаковую дэмаркацыю украінска-расійскай дзяржаўнай мяжы, забяспечыць яе належнае інжынерна-тэхнічнае ўладкаванне ў адпаведнасці з сённяшнімі пагрозамі нацыянальнай бяспекі», — заявіў ён пасля пасяджэння СНБА ў панядзелак увечары ў Кіеве.
Рашэнне СНБА ўводзіцца ў дзеянне указам прэзідэнта Украіны.