Германія разграміла Партугалію. Мюлер зрабіў хет-трык ВІДЭА
Адзін з фаварытаў чэмпіяната свету па футболе – зборная Германіі – уступіла ў барацьбу за чэмпіёнства. Першым іх супернікам стала Партугалія з найлепшым футбалістам свету Крыштыяну Раналду.
Упартай барацьбы не атрымалася. Яшчэ ў першым тайме немцы забілі тройчы. Спачатку пенальці рэалізаваў Томас Мюлер, падвоіў перавагу Матс Хумельс, а потым Мюлер цалкам дэмаралізаваў пірэнейцаў.
фота Reuters
Відаць, будуць пытанні да суддзі сустрэчы ў выпадку з прызначэннем пенальці і чырвонай карткай Пепе.
У другім тайме Томас Мюлер забіў яшчэ адзін гол. Перамога зборнай Германіі – 4:0.