Грыбаўскайце выбрала новага камандарма
Прэзідэнт Літвы Даля Грыбаўскайце, згодна з Канстытуцыяй, падпісала дэкрэт, якім прапануе парламенту ўхваліць прызначэнне Ёнаса-Вітаўтаса Жукаса на пасаду камандуючага Літоўскай арміяй.
Прэс-служба прэзідэнта паведаміла, што генерал-маёр Ёнас-Вітаўтас Жукас зараз служыць ваенным прадстаўніком ЛР у пастаянным прадстаўніцтве NATO і ЕС, раней ён займаў пасаду камандуючага сухапутнымі сіламі Літоўскай арміі.
Жукас, ён нарадзіўся ў 1962 г. у Каўнасе, узнагароджаны медалём 13 студзеня, медалём добраахвотніка-стваральніка Літоўскай арміі, Рыцарскім крыжам ордэна Крыжа Пагоні (5-й ступені), узнагародай сістэмы абароны Літвы «За заслугі», «За адзнаку» і іншымі ўзнагародамі.