У Антрацыце (Луганская вобласць) пасля стрэлу з гранатамёта загінуў 10-месячны хлопчык
У горадзе Антрацыт Луганскай вобласці ў выніку стрэлу, здзейсненага, верагодна, са ствольнага гранатамёта, загінула 10-месячнае дзіця.
Пра гэта паведаміла крыніца «Украінскай праўды» ў кіраўніцтве Антытэрарыстычнай аперацыі.
Паводле інфармацыі, стрэл адбыўся на вуліцы Паркавай, 25, з дзіцячай пляцоўкі, каля 20:00. Загінуў 10-месячны Ягор Аляксандраў.
Праводзіцца следства.
Суразмоўца удакладніў, што горад Антрацыт Луганскай вобласці не ўваходзіць у зону правядзення АТА.