Gazeta.ru была блакавана па невядомай прычыне
Адно з найбуйнейшых расійскіх інтэрнэт-выданняў «Газета.ру» апынулася заблакавана па невядомых рэдакцыі прычынах.
Запыт адраса gazeta.ru выдае паведамленне: «Паважаныя карыстальнікі! Мы прыносім свае прабачэнні, але доступ да рэсурсу абмежаваны».
На сайт выдання немагчыма зайсці не толькі з тэрыторыі Расіі, але і з Беларусі.
«У чым прычына праблемы, мы не ведаем. Разбіраемся з гэтым, — цытуе Інтэрфакс галоўнага рэдактара выдання Святлану Бабаеву. — Спецыялісты вылучылі версіі: альбо збой у працы правайдэра, альбо хакерская атака. Зараз высвятляем, каму мы маглі спатрэбіцца».
Інтэрнэт-выданне Slon.ru сцвярджае, што «Газеты.ру» няма ні ў адным з трох забаронных рэестраў Раскамнагляда.
Тлумачэнняў ад Раскамнагляда пакуль не паступала.
А 15-й gazeta.ru аднавіла працу.