Пад Марынаўкай не сціхаюць баі, баевікі абстралялі некалькі блокпастоў
Пад Марынаўкай ў Данецкай вобласці не сціхаюць баі, сілы АТА адбілі ўжо 4 атакі баевікоў, дадзеныя па стратах удакладняюцца.
Пра гэта паведамляе арганізатар групы «Інфармацыйны супраціў» Дзмітрый Тымчук у Facebook.
«З учорашняга дня не сціхалі баі блізу н.п. Марынаўка. Украінскія вайскоўцы адбілі 4 атакі праціўніка. Баевікі наступалі пад прыкрыццём 5 танкаў і некалькіх БТР», — напісаў ён.
«У выніку агню ў адказ сілы АТА знішчылі 3 танкі і 2 БТР. Таксама знішчаны 3 аўтамабілі тэрарыстаў, якія везлі баевікоў да месца баявога сутыкнення», — заяўляе Тымчук.
«Дадзеныя па стратах абодвух бакоў удакладняюцца», — дадае ён.
Акрамя таго, у раёне н.п. Стукалова Балка было «выяўлена 2 разведвальныя БПЛА тэрарыстаў», па іх адкрылі агонь, але збіць беспілотнікі не ўдалося.
«Праз 15 хвілін пасля выяўлення БПЛА тэрарыстамі быў адкрыты агонь па блокпосце сіл АТА блізу н.п. Стукалова Балка», — інфармуе Тымчук.
Баевікі таксама абстралялі з мінамётаў блокпост сіл АТА каля пасёлка Металіст блізу Луганска. Страт сярод вайскоўцаў няма, паводле дадзеных ІС.
Акрамя таго, тэрарысты абстралялі з танкаў пазіцыі сіл АТА на тэрыторыі Луганскага аэрапорта. Страт сярод вайскоўцаў няма, паведамляе Тымчук.