У цэнтры Данецка хаос, ідуць баі
Сітуацыя ў Данбасе развіваецца вельмі дынамічна. Карыстальнікі сацыяльных сетак і замежныя карэспандэнты паведамляюць пра рэзкае абвастрэнне становішча ў Данецку. У цэнтры горада фіксуюцца хаатычныя перамяшчэнні тэхнікі баевікоў. Адбываюцца перастрэлкі.
Фото Reuters.
Некаторыя будынкі гараць. Пад абстрэлам аказаўся раён чыгуначнага вакзала.
Учора ўкраінскія войскі перарэзалі дарогу Данецк—Луганск і сціснулі колца аблогі Лісічанска і Севераданецка.
Адначасова яны пашырылі калідор, што звязвае асноўныя ўкраінскія сілы з гарнізонамі аэрапортаў Данецка і Луганска, якія вытрымалі трохмесячную аблогу баевікоў.