Еўрасаюз зноў адклаў санкцыі ў дачыненні да расійскай эканомікі
Прапанаваныя Еўрасаюзу сектаральныя санкцыі ў дачыненні да расійскай эканомікі не будуць прынятыя да наступнага тыдня.
Аб адпаведным рашэнні Еўрапейскай камісіі (ЕК) паведаміў прэс-сакратар ЕК Джонатан Тод, паведамляе Reuters.
Паслы Еўрасаюза абмяркоўвалі прапановы па абмежаванні доступу Расіі да фінансавання ў сферы абароны і энергетычнай прамысловасці ЕС у чацвер. Па словах Джонатана Тода, дыскусія працягнецца на наступным тыдні. Па яе выніках ЕК прадставіць заканадаўчыя прапановы.
«Гэтыя заканадаўчыя прапановы потым павінны прыняць дзяржавы-члены ЕС у адпаведнасці з належнымі працэдурамі, верагодна на наступным тыдні», — адзначыў прэс-сакратар.