Кіраўнік МЗС Беларусі Макей збірае шапкі
Міністр замежных спраў Беларусі Уладзімір Макей у інтэрв'ю праграме «Тыдзень» тэлеканала СТВ, паказаным увечары 27 ліпеня, распавёў пра сваё хобі.
Кіраўнік беларускага МЗС прызнаўся, што не захапляецца зборам магніцікаў на халадзільнік, але заўсёды стараецца з замежнай паездкі прывезці нейкі сувенір з той ці іншай краіны, каб ён нагадваў пра месцы, якія наведаў.
«А наогул я збіраю галаўныя ўборы, таму ў мяне ёсць шэраг сувеніраў у выглядзе галаўных убораў з розных краін», - сказаў Уладзімір Макей.