Фінькевіч чакае суду
Цягам апошніх сямі дзён пракуратура павінна была перадаць справу ў суд.
«Мне павінна толькі прыйсьці з суду паперка, дзе будзе паведамлена дата судовага працэсу, пакуль я яе не атрымала», — кажа Г.Рыбалка. Сёньня ці найбліжэйшымі днямі адвакатка наведае Артура ў сьледчым ізалятары.
Фінькевіча зьмясьцілі ў сьледчы ізалятар 26 кастрычніка. У дачыненьні да яго завялі крымінальную справу па арт. 415 КК РБ «Адмова ад адбываньня пакараньня ў выглядзе абмежаваньня волі». Паводле гэтага артыкулу Артуру можа пагражаць ад паўгоду да трох гадоў зьняволеньня. Да гэтага хлопец адбываў двухгадовае абмежаваньне волі ў магілёўскай спэцкамэндатуры за палітычныя графіці, зробленыя напярэдадні апошніх прэзыдэнцкіх выбараў.