У Вілейскім раёне сутыкнуліся лесавоз і легкавы аўтамабіль. Жанчына-кіроўца загінула ФОТЫ
8 жніўня а 19.02 у МНС паступіла паведамленне аб дарожна-транспартным здарэнні паблізу вёскі Сосенка на аўтадарозе Мінск—Мядзел ў Вілейскім раёне Мінскай вобласці.
Пасля прыбыцця да месца ўстаноўлена, што адбылося сутыкненне легкавога аўтамабіля «Хёндай Сантафэ» і грузавога аўтамабіля МАЗ-6303А8.
З дапамогай гідраўлічнага інструмента з легкавога аўтамабіля была дэблакіраваная загінулая жанчына-кіроўца і выратаваны пасажыр.
Ён, з траўмамі рознай ступені цяжкасці, дастаўлены ў Вілейскую цэнтральную раённую бальніцу.
Кіроўца грузавога аўтамабіля не пацярпеў.
Расследаванне прычын і абставінаў ДТЗ праводзіць ДАІ Вілейскага раёна.