Пажар на тарфяніку ў Баранавіцкім раёне затушыў пажарны цягнік ФОТЫ
Пра пажар тарфяніка паблізу вёскі Русіно Баранавіцкага раёна ў службу па надзвычайных сітуацыях паведамілі мясцовыя жыхары.
На месца неадкладна выехалі падраздзялення МНС. Паколькі гарэла недалёка ад чыгуначнага палатна, было прынята рашэнне выкарыстаць пажарны цягнік пажарна-стралковай каманды Баранавіцкага аддзялення Беларускай чыгункі.
Кожная цыстэрна такога цягніка змяшчае 68 тон вады. Гэта значна спрасціла працу МНС.
Пажар ліквідаваны. Яго прычынай, паводле папярэдніх дадзеных, стала чыясьці нядбайнасць з агнём.