У аэрапорце Тэгерана разбіўся пасажырскі самалёт
Падзенне самалёта Iran-140, які належаў авіякампаніі ўнутраных іранскіх авіяліній Taban Air адбылося непадалёку ад аэрапорта Тэгерана «Мехрабад». Пілоту ўдалося адвесці самалёт ад жылога раёна ў пяці кіламетрах на паўночны захад ад іранскай сталіцы.
Са словаў відавочцаў, лайнер страціў кіраванне ўжо ў канцы ўзлётнай паласы, і пасля адрыву ад яе самалёт паваліўся. Паводле непацверджанай інфармацыі, у катастрофе загінулі ўсе 40 чалавек, якія былі на борце.