МЗС Украіны: Візіт Пуціна ў Крым непрымальны
Міністэрства замежных спраў Украіны лічыць недапушчальным і непрымальным візіт у Крым прэзідэнта Расіі Уладзіміра Пуціна і дэпутатаў Дзяржаўнай Думы Расіі, прызначаны на 14 жніўня.
Пра гэта на брыфінгу заявіў намеснік міністра замежных спраў Данііл Лубкіўскі.
«Гэта недапушчальна і непрымальна. Крым незаконна акупаваны. Знаходжанне там кіраўніцтва Расійскай Федэрацыі з'яўляецца непрымальным, гэта выразная і адназначная пазіцыя ўкраінскага Міністэрства замежных спраў», — заявіў Лубкіўскі.