Пралятаючы над Беларуссю, Папа Францішак паслаў тэлеграму беларускаму народу
Папа Францішак, накіроўваючыся з візітам у Паўднёвую Карэю, прывітаў кіраўніка Беларусі Аляксандра Лукашэнку і ўвесь беларускі народ, паведамляе Радыё Ватыкана.
Для перасоўвання па Паўднёвай Карэі, Папа выбраў сабе аўтамабіль Kia Soul, фота Reuters.com
«Пралятаючы над вашай нацыянальнай тэрыторыяй, я скіроўваю мае найлепшыя пажаданні Вашай Эксцэленцыі і Вашым суграмадзянам. Просячы Божага бласлаўлення для ўсяго народа, я малюся, каб Усемагутны Бог адарыў усіх вас дабрабытам і супакоем», - гаворыцца ў традыцыйнай тэлеграме скіраванай Пантыфікам на імя кіраўніка дзяржавы.
Самалёт з Пантыфікам на борце знаходзіўся над тэрыторыяй Рэспублікі Беларусь 13 жніўня каля 19.00 па мясцовым часе.