У Ваўкавыску невядомыя спалілі святлафор
112.by
Аб гэтым карэспандэнту БелТА паведамілі ў прэс-службе Гродзенскага абласнога ўпраўлення МНС.
Сёння ноччу ваўкавыскім выратавальнікам паступіла не зусім звычайнае тэлефанаванне: мужчына паведаміў пра загаранне пешаходнага святлафора на вул.Савецкай. Праз дзве хвіліны пажарныя ўжо былі на месцы здарэння і пры дапамозе вогнетушыцеля ліквідавалі ўзгаранне.
У выніку пажару пешаходны святлафор знішчаны, пашкоджаны дарожны знак. Пацярпелых людзей няма. Найбольш верагодная прычына здарэння — падпал.