УПЦ Маскоўскага патрыярхата: Крым — тэрыторыя Украіны і павінен быць вернуты
Украінская праваслаўная царква Маскоўскага патрыярхата выступае за вяртанне анексаванага Расіяй Крыма ў склад Украіны.
на фота — протаіерэй Георгій (Каваленка), radiosvoboda.org
Пра гэта на прэс-канферэнцыі сказаў прэс-сакратар УПЦ МП протаіерэй Георгій.
«Як грамадзяне Украіны мы лічым гэтак жа, як і наш урад і ўся сусветная супольнасць: Крым — гэта тэрыторыя Украіны і ён павінен быць вернуты», - сказаў ён.
Протаіерэй Георгій (Каваленка) таксама адзначыў, што канфлікт на ўсходзе краіны нельга лічыць міжканфесійным, а палітычным і міждзяржаўным.