Меркель заклікала NATO павысіць боегатоўнасць з-за падзей ва Украіне
Канцлер Германіі Ангела Меркель выступае за павышэнне боегатоўнасці сіл NATO ў кантэксце падзей ва Украіне. Пра гэта яна сказала сёння журналістам у Рызе.
Так, на думку Меркель, неабходна фарміраваць умовы, каб NATO магло хутка рэагаваць на сучасныя пагрозы. Канцлер прапанавала арганізаваць сумесныя ваенныя манеўры і развіваць ваенную інфраструктуру.
Як адзначаецца, меркаванне канцлера падзяляе і галоўнакамандуючы аб'яднанымі ўзброенымі сіламі НАТА ў Еўропе Філіп Брыдлаў, які папярэджвае аб небяспецы паўтарэння сцэнарыя дэстабілізацыі з боку РФ па сцэнары Украіны ў іншых краінах Усходняй Еўропы.