У Луганску забілі ганаровага консула Літвы
Літоўскага ганаровага консула ў Луганску Мікалая Зелянца выкралі і забілі прарасійскія сепаратысты — пра гэта паведаміў міністр замежных спраў Літвы Лінас Лінкявічус.
«З глыбокім смуткам толькі даведаўся, што ганаровы консул Літвы ў Луганску Мікалай Зелянец быў выкрадзены і брутальна забіты тэрарыстамі», — напісаў Лінкявічус ў сябе на Twitter.
Пацверджання або абвяржэння гэтай інфармацыі з боку сепаратыстаў пакуль няма.