У Мінск прыляцела кіраўнік еўрапейскай дыпламатыі Кэтрын Эштан
У Мінск для ўдзелу ў Саміце Мытны саюз — Украіна — Еўрасаюз прыбылі вярхоўны прадстаўнік ЕС па замежных справах і палітыцы бяспекі Кэтрын Эштан і еўракамісар па гандлі Карэл дэ Гюхт.
Кэтрын Эштан у Мінску, фота БелТА.
У Нацыянальным аэрапорце «Мінск» іх сустракалі кіраўнік беларускага прадстаўніцтва Еўрасаюза Майра Мора і намеснік міністра замежных спраў Беларусі Алена Купчына.
Яшчэ адзін удзельнік сённяшніх перамоў — еўракамісар па энергетыцы Гюнтэр Герман Этынгер — павінен прыляцець у 13.15.
З аэрапорта Кэтрын Эштан і Карэл дэ Гюхт адправяцца ў пасольства Украіны ў Мінску, дзе правядуць двухбаковую сустрэчу з украінскім прэзідэнтам Пятром Парашэнкам.