ФІФА не будзе адбіраць у Расіі правядзенне ЧС-2018 па футболе
Прэзідэнт ФІФА Ёзэф Блатэр паведаміў, што ў Расіі не будуць адбіраць права на правядзенне чэмпіянату свету па футболе 2018 года з-за канфлікту з Украінай.
«Цяпер пытанне аб пазбаўленні Расіі права на правядзенне ЧС-2018 не стаіць. Мы знаходзімся ў той сітуацыі, калі ёсць поўны давер да краін-гаспадыняў чэмпіянатаў свету 2018 і 2022 гадоў.
Зараз мы чакаем дакладу камітэта па этыцы. Байкот ніколі не прыносіў чаго-небудзь карыснага», - сказаў Блатэр.
Нагадаем, што раней заходнія палітыкі заклікалі ФІФА да пазбаўлення Расіі права на правядзенне ЧС-2018 у сувязі з анексіяй Крыма.