У Маскве на Лубянцы паставілі копію помніка Дзяржынскаму
Актывісты і дэпутаты КПРФ ўсталявалі копію помніка Феліксу Дзяржынскаму ў цэнтры Масквы на Лубянскай плошчы.
Гэта было зроблена ў гонар 137-й гадавіны з дня нараджэння заснавальніка ВЧК. Паўтараметровая гіпсавая скульптура прабыла на плошчы некалькі гадзін, потым камуністы знеслі яе, перадае Бі-Бі-Сі.
Акцыя не была ўзгоднена з уладамі Масквы.
Помнік Дзяржынскаму перад будынкам КДБ дэмантавалі ў жніўні 1991-га пасля падзення камуністычнага рэжыму. Яго перавезлі ў парк мастацтваў «Музеон» на Крымскім Валу.