Яшчэ адзін актывіст «Змены» арыштаваны на 15 сутак
Актывіст «Змены» Ягор Віняцкі арыштаваны на 15 сутак.
Пра гэта паведаміла Свабодзе маці актывіста Аляксандра Віняцкая. Ягору дазволілі патэлефанаваць ёй пасля суда.
У якім судзе судзілі сына і за што Ягор атрымаў 15 сутак арышту, маці невядома. Сувязь з Ягорам Віняцкім знікла 11 верасня.
Актывісты «Змены» паведамляюць, што 12 верасня няма тэлефоннай сувязі таксама з актывістам Віталём Васільковым.
Дзе ён цяпер, высвятляецца.