БАТЭ вылецеў у Партугалію на матч Лігі чэмпіёнаў
У сераду, 17 верасня, БАТЭ у чацвёрты раз возьме ўдзел у групавым раўндзе футбольнай Лігі чэмпіёнаў. У Порту «жоўта-сінія» згуляюць з аднайменным клубам (пачатак у 21:45).
фота fcbate.by
Сёння БАТЭ чартарным рэйсам у 9:10 вылецеў у Партугалію, паведамляе сайт беларускага клуба.
Трэнерскі штаб на чале з Аляксандрам Ермаковічам уключыў у выязны спіс 20 гульцоў.
Разам з асноўным складам у Партугалію скіравалася і юніёрская каманда, якая возьме старт у Юніёрскай лізе УЕФА (U-19).
Нагадаем, што праз два тыдні, 30 верасня, БАТЭ згуляе ў Барысаве з «Атлетыкам» з Більбаа.