БАТЭ стартуе ў групавым турніры Лігі чэмпіёнаў: з «Порту» а 21.45
17 верасня БАТЭ стартуе ў групавым раўндзе футбольнай Лігі чэмпіёнаў. Першы матч барысаўскі клуб правядзе ў гасцях супраць партугальскага «Порту». Пачатак гульні а 21:45, яе пакажа ў жывым эфіры тэлеканал «Беларусь-2».
У аўторак у прэс-цэнтры «Эштадыу ду Драгау» у Порту адбылася прэс-канферэнцыя прадстаўнікоў беларускай каманды, паведамляе сайт БАТЭ.
Амаль усе пытанні былі адрасаваныя мясцовымі журналістамі галоўнаму трэнеру «жоўта-сініх» Аляксандру Ермаковічу.
«Порту» — вельмі моцны клуб, не так даўно выйграваў Лігу чэмпіёнаў і Лігу Еўропы. Аднак мы разлічваем дамагчыся спрыяльнага для сябе выніку, — сказаў Ермаковіч. — Мы паважаем саперніка, але нікога не баімся».
Форвард БАТЭ Віталь Радзівонаў дадаў: «Усе гульцы БАТЭ выйдуць заўтра на поле з верай ва ўласныя сілы».