За пуцёўкай у Пэкін беларуская зборная паедзе у Мадрыд
Алімпійскі кваліфікацыйны турнір сярод жаночых баскетбольных зборных пройдзе з 9 па 15 чэрвеня 2008 году ў Мадрыдзе на Telefonica Arena. 12 камандаў разыграюць 5 пуцёвак на Алімпіяду-2008.
У гэтым турніры возьме ўдзел і зборная Беларусі, якая атрымала пропуск у кваліфікацыю на чэмпіянаце Эўропы, дзе беларускі заваявалі бронзу.
Нашымі суперніцамі стануць каманды Анголы, Аргентыны, Бразыліі, Тайваню, Кубы, Чэхіі, Фіджы, Японіі, Латвіі, Сэнэгалу і Гішпаніі.
Аналягічны мужчынскі турнір пройдзе ў Атэнах з 14 па 20 ліпеня.