У М'янме амніставалі 3 073 зняволеных
Улады М'янмы амніставалі 7 кастрычніка 3073 зняволеных. Як паведаміла міністэрства інфармацыі краіны, адпаведны ўказ падпісаў прэзідэнт рэспублікі Тэйн Сэйн.
Сярод амніставаных — 58 замежнікаў, больш за 10 палітвязняў, а таксама былыя афіцэры разведкі, піша Tass.
У 2011 годзе ў М'янме на змену ваеннаму рэжыму прыйшоў новы цывільны ўрад, сфармаваны па выніках праведзеных 7 лістапада 2010 першых у найноўшай гісторыі краіны парламенцкіх выбараў. Новыя ўлады паслядоўна праводзяць пераўтварэнні, накіраваныя на дэмакратызацыю грамадства і пашырэнне міжнародных кантактаў краіны, якая доўгі час знаходзілася фактычна ў ізаляцыі.