У Беларусь прыбывае прэзідэнт Туркменістана
8 кастрычніка ў Мінск з афіцыйным візітам прыбывае ўрадавая дэлегацыя Туркменістана на чале з прэзідэнтам Гурбангулы Бердымухамедавым, паведаміла прэс-служба МЗС Беларусі.
Падчас афіцыйнага візіту Бердымухамедаў таксама возьме ўдзел у пасяджэнні Савета кіраўнікоў дзяржаў СНД, якое пройдзе ў Мінску 10 кастрычніка.
Праграма афіцыйнага візіту Гурбангулы Бердымухамедава ў Беларусь пакуль не абнародаваная.
57-гадовы Бердымухамедаў — другі прэзідэнт Туркменістана. Вышэйшую дзяржаўную пасаду займае з лютага 2007 года. Апошні раз Бердымухамедаў наведваў Беларусь з афіцыйным візітам у красавіку 2012 года.