Карымаў пакрытыкаваў Парашэнку
Няўдзел у мінскім саміце СНД прэзідэнта Украіны Пятра Парашэнкі выклікае шкадаванне, заявіў падчас пасяджэння Савета кіраўнікоў дзяржаў СНД прэзідэнт Узбекістана Іслам Карымаў.
«Ствараецца ўражанне, што ён раздвойваецца і не можа адказаць сабе, на карысць выхад з СНД ці не, — лічыць Карымаў. — Калі б ён выступіў сёння тут, то гэта стварыла б для нас яшчэ большую яснасць з вырашэннем украінскай праблемы. Але, на жаль, гэтага не здарылася».
«Хто твар у твар апошнім часам сустракаўся з Парашэнкам?» — запытаў Карымаў у прысутных. Пры гэтым, заўважыў ён, прэзідэнт Украіны «наведаў многія краіны Еўропы».