Пад Лагойскам п'яны нацкаваў аўчарку на міліцыю
Страляць у сабаку прыйшлося супрацоўнікам міліцыі ў Лагойскім раёне.
Як паведамілі ва УУС Мінскага аблвыканкама, 10 кастрычніка ў Лагойскі РАУС звярнулася жыхарка вёскі Літвінкава. Пенсіянерка расказала, што яе 53-гадовы сусед, мінчанін, у нецвярозым стане наладзіў скандал і пагражае расправай.
На супрацоўнікаў Лагойскага РАУС, якія прыбылі на выклік, мужчына нацкаваў каўказскую аўчарку. У наяўнай сітуацыі супрацоўнікам міліцыі прыйшлося выкарыстаць табельную зброю. Сабака быў абясшкоджаны адным выстралам.