Пад Вярхоўнай Радай у Кіеве адбылася бойка, дэманстранты патрабавалі прызнання УПА
У Кіева паміж мітынгоўцамі пад Вярхоўнай Радай і міліцыяй адбылася бойка.
Мітынгоўцы кідалі дымавыя шашкі, святлошумавыя гранаты, кактэйлі Молатава. Праваахоўнікі ўжылі супраць дэманстрантаў гумовыя дубінкі.
Невядомыя правакатары адкрылі агонь па вокнах, паведамляе у сваім Faceboook журналіст Аляксандр Аранець.
Па стане на 13:45 сутычкі пад Радай сціхлі, большасць мітынгоўцаў пакінулі плошчу каля ВР.
***
Пад Радай сёння раніцай сабралася некалькі тысяч чалавек. Сярод іх — удзельнікі маршу УПА, якія прыйшлі ў ВР патрабаваць прыняцця закона аб прызнанні байцоў Украінскай паўстанцкай арміі абаронцамі ўкраінскай дзяржавы.
ВР не змагла ўнесці на разгляд гэты закон з сямі спробаў і разышлася на перапынак.
Пад будынкам Рады прысутнічае некалькі тысяч чалавек.
Старшыня парламента Аляксандр Турчынаў заклікаў дэманстрантаў «трымаць дысцыпліну і не зрываць працу Вярхоўнай Рады».