У Рэчыцкім раёне на пажары загінула двухгадовая дзяўчынка
Трагедыя адбылася 14 кастрычніка ў вёсцы Вышамір Рэчыцкага раёна. Гаспадыня дома знаходзілася ў агародзе і дыму не бачыла, пра пажар выратавальнікам стала вядома ад суседзяў.
Пажарныя прыбылі на месца ўжо праз некалькі хвілін. У доме яны знайшлі маленькую дзяўчынку і вынеслі яе на свежае паветра. На жаль, нягледзячы на ўсе намаганні медыкаў, выратаваць дзіця не ўдалося.
Напярэдадні маці дзяўчынкі адправіла яе да знаёмых у вёску, бо захварэў старэйшы сын, з якім жанчына засталася на бальнічным у Рэчыцы.
Абставіны гібелі дзіцяці і прававую ацэнку дзеянні дарослых, якія пакінулі без нагляду маленькую дзяўчынку, выявіць следства.