Снегаўборшчык аэрапорта Унукава арыштаваны на два месяцы
Басманны суд Масквы санкцыянаваў арышт да 21 снежня Уладзіміра Мартыненкі — кіроўцы снегаўборачнай машыны, з якой сутыкнуўся самалёт прэзідэнта кампаніі Total у аэрапорце Унукава.
На арышце настойвалі следства і пракуратура.
У судзе следчы заявіў, што ёсць падставы лічыць, што ў момант здарэння кіроўца быў нецвярозы. Пры гэтым дадзеныя экспертызы, якімі следства магло б гэта пацвердзіць, будуць гатовыя толькі праз 5-7 дзён.
Абарона прасіла суд змясціць абвінавачанага пад хатні арышт і заяўляла пра гатоўнасць унесці заклад у памеры 1 млн расійскіх рублёў (амаль 25 тысяч даляраў).