У Расіі даляр 46,7, еўра 58 рублёў. Дэвальвацыя дасягнула 40%
Курс еўра на таргах Маскоўскай біржы вырас на 2,03 рас. руб., да 58,11 рас. руб., прабіўшы псіхалагічна важную адзнаку ў 58 рас. руб. і усталяваўшы новы рэкорд, паведадаміў ТАСС вечарам 6 лістапада.
Курс долара таксама абнавіў максімум, павысіліся на 1,82 руб., да 46,77 руб. З пачатку года долар падаражэў ўжо на 40%.
Апошнія скокі выкліканыя шокам ад змены палітыкі Цэнтрабанка, канстатуюць эканамісты.
Цэнтрабанк Расіі вырашыў істотна зменшыць валютныя інтэрвенцыі, пасля таго як выдаткаваў на іх за кастрычнік 29 млрд даляраў, і гэта знізіла золатавалютныя запасы Расіі да найніжэйшага за пяць гадоў узроўню.