Toyota — сусьветны лідэр па вытворчасьці аўтамабіляў
Дагэтуль цягам 76 гадоў лідэрства трымала кампанія General Motors.
Як абвясьціў на прэс‑канфэрэнцыі ў аўторак прэзыдэнт кампаніі Кацуоке Ватанабэ, сёлета прапрыемствы Toyota ва ўсім сьвеце выпусьцяць 9 мільёнаў 510 тыс. аўтамабіляў, а галоўны канкурэнт — General Motors — 9 мільёнаў 259 тысяч.
У першым квартале 2007 году Toyota упершыню апярэдзіла GM, якая зьяўляецца сусьветным лідэрам з 1931 году.
Японскі канцэрн дабіўся посьпеху дзякуючы выпуску новых, больш эканамічных і экалягічна чыстых мадэляў, асабліва актуальных ва ўмовах росту цэн на паліва і барацьбы з глябальнымі зьменамі клімату.