13 фанатаў мінскага «Дынама» арыштаваныя ў Італіі
Нагадаем, што матч завяршыўся сенсацыйнай перамогай беларускага клуба.
«Падставай для затрымання паслужылі агрэсіўныя паводзіны фанатаў, у тым ліку і ў адносінах да паліцыі. Некаторыя з заўзятараў былі ўзброеныя дубінкамі», — распавёў TUT.BY прэс-сакратар МЗС Беларусі Дзмітрый Мірончык.
У выніку 13 чалавек былі арыштаваныя, 48 — затрыманыя.
Супрацоўнікі беларускага пасольства неадкладна звязаліся з прадстаўнікамі праваахоўных органаў і знаходзяцца ў пастаянным кантакце.
Па словах дыпламатаў, у затрыманых беларусаў скаргаў няма.
З затрыманымі заўзятарамі праводзяцца гутаркі.
У 9.30 мелася пачацца судовае пасяджэнне, на якім будзе вызначана пакаранне для 13 беларусаў.