Украіна забараніла палёты ў Харкаў, Днепрапятроўск, Запарожжа, прычыны не тлумачацца
Дзяржаўная авіяцыйная служба Украіны закрыла палёты ў Харкаў, Запарожжа і Днепрапятроўск з меркаванняў бяспекі. Пра гэта распавёў кіраўнік Дзяржавіяслужбы Дзяніс Антанюк, паведамляюць «Украінскія навіны».
«Зачынілі сёння ў 22:00 па UTС (у 00:00 па кіеўскім часе) палёты ў Харкаў, Запарожжа і Днепрапятроўск з меркаванняў бяспекі адусюль. Тэрміны, на якія зачыненыя палёты, пакуль не вызначаны», — сказаў Антанюк.
Закрыта для палётаў таксама паветраная прастора Данбаса.