29 cьнежня ў 15-00 у Курапатах адбудзецца заключная акцыя Году Памяці
Заключная акцыя Году Памяці
Грамадскі аргкамiтэт па ўшанаваньні памяцi ахвяраў сталiнскiх рэпрэсiяў заклікае палітычныя і грамадскія арганiзацыi ды ўсіх неабыякавых людзей 29 сьнежня а 15-й прыйсьці ва ўрочышча Курапаты на заключную акцю Году Памяці, каб запаліць сьвечкi памяцi i ўскласьці кветкі да мемарыяльных знакаў.
У сувязі з заканчэньнем Году Памяцi, прысьвечанага 70-годзьдзю пiку сталiнскiх рэпрэсiяў, сябры аргкамiтэту выразiлi намер правесьці ў Курапатах імправізаваную прэсканферэнцыю, адказаць на пытаньні журналiстаў.