Расія і Кітай прагаласавалі ў ААН супраць абмеркавання правоў чалавека ў КНДР
Дэлегацыі Расіі і Кітая ў Радзе Бяспекі ААН прагаласавалі супраць абмеркавання сітуацыі з правамі чалавека ў Паўночнай Карэі, паведамляюць інфармагенцтвы з Нью-Ёрка.
За абмеркаванне пытання выказаліся 11 з 15 краін. Дзве дэлегацыі устрымаліся.
У ходзе галасаванняў пра ўключэнне таго ці іншага пытання ў парадак дня не дзейнічае права вета, якім у тым ліку валодаюць Расія і Кітай, таму пытанне будзе абмяркоўвацца.