Праз перабор нафты ЗША ўпершыню за 40 гадоў дазволілі яе экспарт. Citigroup: Гэта выкліча новае падзенне цэнаў
Экспарт нафты-сырца з ЗША можа вырасці да канца 2015 ў пяць разоў — да 1 мільёна барэляў у дзень. Гэта прывядзе да дадатковага зніжэння сусветных цэнаў, лічаць у Citigroup.
Міністэрства гандлю ЗША напярэдадні зняло шэраг абмежаванняў на экспарт звышлёгкай нафты-сырца, так званага кандэнсату, які актыўна вырабляецца ў ЗША ў апошнія гады. Адміністрацыя ЗША пад ціскам мясцовых вытворцаў паступова здымае абмежаванні па забароне на экспарт, уведзенай 40 гадоў таму з прычыны арабскага нафтавага эмбарга.