Крым прайграў барацьбу за пуцёўку на турнір непрызнаных зборных
Зборная Крыма не патрапіла на чэмпіянат Еўропы па футболе сярод каманд, непрызнаных Міжнароднай федэрацыяй футбольных асацыяцый (ФІФА). Пра гэта паведамляе weakteams.ws.
Арганізатары спаборніцтваў выбралі 11 удзельнікаў, а 12-ы вызначаўся галасаваннем. У ім зборныя Крыма і Манака прайгралі Паданіі — зборнай абласцей поўначы Італіі.
Турнір пройдзе летам 2015 на востраве Мэн пад эгідай Канфедэрацыі незалежных футбольных асацыяцый (ConIFA). Акрамя Паданіі і зборнай гаспадароў чэмпіянату, у матчах прымуць удзел зборныя Абхазіі, Паўднёвай Асеціі, Нагорнага Карабаха, Аксітаніі, Лапландыі, графства Ніца, Паўночнага Кіпра, Франконіі, венграў-секееў і цыган.
У 2014 годзе ў шведскім Эстэрсундзе адбыўся першы чэмпіянат свету сярод непрызнаных зборных. У фінале графства Ніца абыграла востраў Мэн (0:0 у асноўны час, 5:4 у серыі пенальці).