Хадаркоўскі заклікаў СМІ друкаваць карыкатуры на прарока Мухамеда
Экс-кіраўнік ЮКАСа і былы расійскі палітвязень Міхаіл Хадаркоўскі ў сваім твітары заклікаў СМІ друкаваць карыкатуры на прарока Мухамеда: «Калі журналісты — годная супольнасць, заўтра не павінна быць выдання без карыкатуры на прарока».
Нагадаем, што ў Парыжы, як мяркуецца, чальцы «Аль-Каіды» ўварваліся ў рэдакцыю сатырычнага часопіса Charlie Hebdo і расстралялі 12 чалавек, у тым ліку галоўнага рэдактара Стэфана Шарбанье, а таксама трох вядомых карыкатурыстаў — Жоржа Валынскі, Каб'ю і Цінье.
Як мяркуецца, падставай для нападу была карыкатура на прарока, змешчаная ў твітары часопіса.