Сёння працяг суда над кнігаром Логвінавым
Ігар Логвінаў за год восем разоў звяртаўся ў Мінінфарм па ліцэнзію. І кожны раз яму адмаўлялі.
Сёння працягнецца працэс над уладальнікам культавай мінскай кнігарні Ігарам Логвінавым. Прадпрымальніка вінавацяць у продажы кніг без ліцэнзіі Мінінфармацыі.
Па выніках падатковай праверкі кнігарню аштрафавалі амаль на 1 мільярд рублёў — такой была сума продажаў кніг за год. Спаганяць гэтыя грошы будуць праз суд.
На паседжанні, якое прайшло 5 студзеня, Логвінаў сваёй віны не прызнаў.
Працяг працэсу — у Эканамічным судзе (Мінск, вул.Акадэмічная 15, корпус 1) сёння а 14.30.
Беларусь — унікальная краіна ў тым сэнсе, што на гандаль кнігамі ў нас патрэбная ліцэнзія. Такая мера была прынятая з 2014 года, у мэтах дадатковага «кантролю над розумамі».
Кнігарня «логвінаЎ» 8 разоў прасіла ліцэнзіі і 8 разоў ёй адмаўлялі, чапляючыся да кручкоў.
На першае паседжанне падтрымаць Логвінава прыйшлі знакавыя асобы беларускай інтэлігенцыі, якія лічаць справу высмактанай з пальца.