Штаб АТА: Баі ў Вуглягорску працягваюцца
Сілы антытэрарыстычнай аперацыі працягваюць баі ў Вуглягорску Данецкай вобласці.
Пра гэта РБК-Украіна паведаміў спікер АТА Леанід Мацюхін.
«Нашы вайскоўцы не пакідалі Вуглягорска. Зараз там праходзяць баявыя сутыкненні, ідуць баі. Калі б там не было нашых войскаў, гэтага б не было», — распавёў Мацюхін.
Раней у расійскіх СМІ з'явілася заява лідара самаабвешчанай «Данецкай народнай рэспублікі» Аляксандра Захарчанкі аб узяцці баевікамі Вуглягорска, а таксама аб поўным акружэнні сіл АТА ў раёне Дэбальцава.