Абама заявіў пра намер узмацняць ціск на Расію
Прэзідэнт ЗША Барак Абама заявіў пра намер узмацняць ціск на Маскву і падтрымліваць Кіеў.
AP
«Мы будзем прытрымлівацца гэтага двухбаковага курсу — ажыццяўляць яшчэ большы ціск на Расію, падтрымліваць Украіну, даючы Пуціну зразумець, што з гэтага шляху яшчэ можна збочыць і вырашыць сітуацыю дыпламатычнымі спосабамі», — сказаў амерыканскі лідар у інтэрв'ю тэлеканалу CNN.
Акрамя таго, па словах Абамы, у цяперашні час ён «не настроены аптымістычна» з нагоды магчымасці таго, што Расія зменіць свой курс у дачыненні да сітуацыі ва Украіне.